“Unfriend”: La Vorto De La Jaro (Ŝajne)
Novembro 21, 2009 at 10:51 atm | In Libroj | 1 CommentTags: facebook, vortaro
La nova eldono de anglalingva vortaro The New Oxford American Dictionary anoncis ĝian “Vorto de La Jaro” por 2009: “unfriend” (t.e. forigi iun kiel ‘amiko’ en socia retejo kiel Facebook). Kiel ni diru tion en Esperanto? Vortumu en la komentoj!
Financa Krizo: Mmm…
Novembro 14, 2009 at 4:46 ptm | In Dizajno, Financoj, Manĝado | Leave a CommentTags: chocolat factory, diagramo, el país, hispanio, ĉokolado
Kiu dum malfacilaj tempoj ne emis iomete konsoli sin per dolĉaĵoj? Ĉu ĉi ĉokolado je formo de pica diagramo reestigos ĉaĉaĉaon en la vivo de borsofiaskinto, la Mojose-teamo ne scias – sed kia bongusta ideo! :-)
La belaĵon kreis Kataluna ĉokoladofirmao Chocolat Factory. La foton oni… pruntis el la Hispana gazeto El País.
Mi Havas Senton [video]
Novembro 13, 2009 at 9:43 atm | In Muziko | 4 CommentsTags: black eyed peas, kanado, universitato, UQAM, video
Amatora video por la kanto “I Gotta Feeling”, de Black Eyed Peas, realigita kun 172 studentoj pri komunikado ĉe Kanada universitato. Inspiriĝu: ĉu ni ne povus fari ion similan dum sekva esperanto-aranĝo?
La 7 Plej Bongustaj Blogoj De La Mondo
Novembro 6, 2009 at 6:45 ptm | In Libroj, Listoj, Manĝado | 6 CommentsTags: 7canibales, donna hay, gourmand awards, jamie olivier, jeremy parzen, nigell
Jen la listo de neoficialaj “forn-mojosuloj”, alivorte tutmonde agnoskitaj blogistoj, kiuj tamen estas for de grandaj markoj de vinmanĝaĵa kritikumado.
- Itala La cuisine de Fabien kun diversaj receptoj kaj vere belegaj fotoj, pro kiuj en 2007 Fabien gajnis en konkurso “La plej bela foto-blogo”, organizita de squisito.org
- Kataluna 7canibales, kie amasas receptoj, diskutoj kaj rakontoj pri manĝaĝoj far de kelkaj iberiaj ĵurnalistoj kaj verkistoj
- Angla Jamiemagazine de juna kuiristo kaj lerta komunikisto Jamie Olivier, kiu, krom kuiri, ankoraŭ instruas en lernejoj la sanajn manĝkutimojn al gepatroj kaj infanoj
- Usona Nigell, interalie mojosa pro sia saĝecaro rilate kuiradon, manĝadon kaj manĝaĵojn
- Alia usona Dobianchi, kies aŭtoro sin prezentas kiel historiisto pri manĝaĝoj kaj trinkaĵoj, tradukisto kaj muzikisto. Efektive ĉi-blogo iĝis fama ĉar disvastigas inter usonanoj sekretojn de itala kuirarto kaj popularigas ankaŭ aliajn manĝaĵ-spertojn
- Aŭstralia Donnahay, kiu ĉefe traktas simplajn receptojn, facile plibonigeblajn. Post gajni internacian konkurson Gourmand Awards en 2007 pro la receptolibro, la aŭtorino nun malfermis vendejon kun propra nomo.
- ĉu vi jam lanĉis esperanto-lingvan receptblogon? Jen la loko por vi!
La Reĝo de Photoshop
Novembro 4, 2009 at 6:53 ptm | In Fotografio | 1 CommentTags: deviantart, erik johansson, surealismo, svedio
Dum li preparas novan retpaĝon, digitala artisto Erik Johansson furoras en Svedio per siaj superrealismaj bildoj.
En la retejo DeviantArt vi povas vidi pliajn fotojn de Erik.
La Rulhomo
Oktobro 26, 2009 at 1:02 ptm | In Teknologio | Leave a CommentTags: francio, jean-yves blondeau, parizo
Windows 7: La Opinisondo de Mojose
Oktobro 23, 2009 at 4:40 ptm | In Teknologio | 7 CommentsTags: microsoft, windows
Virtuale Sur La Turo Eiffel
Oktobro 23, 2009 at 3:52 ptm | In Vojaĝado | Leave a CommentTags: eiffel, paris, parizo
Nun vi povas virtuale viziti la turon Eiffel el la komforto de via domo. Simple sekvu la ligon http://photo.photojpl.com/tour/08toureiffel/08toureiffel.html kaj moviĝu per via muso. Poste, alklalu la dekstran fenestreton por supreniri la turon kaj rigardu Parizon el la ĉielo.
10 Mojosaj Aferoj Por Fari En Japanio
Oktobro 18, 2009 at 12:45 atm | In Listoj, Vojaĝado | 7 CommentsTags: akihabara, grimpado, hotelo, japanio, karaokeo, pachinko, restoracio, sumoo, trajno
Sendube indas viziti Japanion unufoje en la vivo, se ne plurfoje. Ne estas alia lando kiel ĝi – ne nur por ordinara turismumado, sed vere temas pri loko por resti, senti, ĝui la etoson. Jen nia listo:
10. Klopodu paroli la japanan lingvon
Ek, provu. Homoj ridetos aŭ ridegos, sed ĉiokaze vi ricevos amuzan reagon. Japanoj amas kiam eksterlandano klopodas paroli ilian lingvon – ne timu! Simple rigardu vian lernolibron kaj elektu demandon. Prave, vi tute ne komprenos tion, kion la homoj respondos, sed grace kapasertu kaj ili pensos ke vi komprenis.
© iStockphoto.com
9. Ĉeestu sumoan turniron
Homoj ofte kredas ke sumoo estas nur 2 dikemuloj luktante por unu tangao, sed jes, estas multe pli. Spektu turniron kaj sentu la elektran etoson dum vi malkovras ĝian pompan ceremonion. Subite vi apogos vian plej ŝatatan batalanton ĝis la fina venko.
8. Kantu karaokean kanzonon
En Japanio kaj FESTO (aliĝu!), karaokeo estas daŭre populara (kiam ĉiam). Geamikoj pasas horojn ĉe etaj ĉambroj kun mikrofonoj ĉemane, grandaj kantolibroj kaj laŭtaj paroliloj. Estas kantoj en ĉiuj lingvoj — novaj kaj oldaj — do elektu vian numeron, inspiriĝu kaj kantu vian sorton. Ne gravas ĉu vi sonos kiel kato en lavmaŝino, viaj amikoj daŭre amos vin.
7. Rajdu la kuglan trajnon
La shinkansen portas homojn ĉien ajn ekde 1964 je rapidecoj de 300km/h (186 mph, Usonanoj!). Komforta, vi ne volos forlasi la vagonon. Admiru la tempo-precizecon ankaŭ — via trajno alvenos al la haltejo je la ĝusta sekundo.
6. Manĝu ĉe rimena suŝio-restoracio
Via vespermanĝo trairos en malrapide movanta rimeno. Kion preni, ĉu maki, suŝion aŭ tempura? Ne forgesu okulumi la kuiriston, dum li malabarisme tranĉas fiŝojn en la apuda malferma kuirejo.
5. Perdiĝu en Akihabara
Se vi amas elektronikaĵojn kiel ni, vi amos tiun ĉi kvartalon meze de Tokio. Pluraj aparatoj neniam eliras el Japanio, do prenu ilin nun – eĉ se vi ne scias, al kio ĝi utilas…
4. Ludu pachinko-n kiel vera japano
Eble vi ne kredos, sed japanoj iras al pachinko por trankviliĝi. La brua ludejo estas tempopasigilo por multaj homoj; simple aĉetu kelkajn pilkojn por komenci. Se vi estas bonŝanca, vi gajnos pliajn pilkojn kaj povos ŝanĝi ilin por vera mono. Se vi estas malbonŝanca en la ludo, tio signifas sorto en la amo!
3. Tranoktu en iu amo-hotelo
Se vi estas en Japanio kun via alia duono, meritas la penon pasigi iom da tempo ĉe tiuspecaj lokoj. La konstruaĵoj ofte havas mirigajn stilojn – kaj aliaj eĉ ludilojn, gigantajn televidilojn, la Wii aŭ karaokeajn maŝinojn, krom amuzaj speguloj en la plafono kaj diskejaj lumoj.
2. Baniĝu nuda kun viaj nekonataj amikoj
Se vi sin duŝas sola, ĉe via hotela ĉambro, vi ne korekte japanas. Do vestu tiun vestaĵon, kiun vi uzis ĉe via naskiĝo (t.e. nuda!) kaj ek al la onsen. Sed atentu, ĉar la banejoj havas malsamajn temperaturojn – de frosto al brulo.
1. Grimpu la monton Fuji
Sonas freneze, ĉu ne? Sed la plej alta monto de la lando (3776 m) estas tute surgrimpebla. Jes, vi devas esti bonsana, sed miloj da homoj faras ĝuste tion: supreniri kaj ĝui neforgeseblan pejzaĝon.
10.000 Homoj Vizitis La Blogon “Mojose”
Oktobro 16, 2009 at 5:28 ptm | In Teknologio | 11 CommentsTags: blogo, mojose, pafklik, spam
Pli ol 10.000 vizitantojn havis la blogo Mojose okaze de ĝia unua jariĝo. 180 afiŝoj, 291 komentoj kaj 480 spamaj atakoj – kaj hej, ni daŭre vivas! La pinta artikolo estis Pafklik: La Intervjuo de Mojose, realigita de nia brila verkisto Laurent D. Gratulon, teamo!
-
Skipo
-
Roĝer Borĝes
-
rolffantom
-
kataluna
-
Martin B.
-
amikeme
-
Manolo
-
amuzulo
-
kosmi4eski
-
onjeto
-
Laurent D
-
\_Musubana_/ • http://musubana.blogspot.com
-
nehundo
-
Blog at WordPress.com. | Theme: Pool by Borja Fernandez.
Entries and comments feeds.
