Blogarkivoj

5 Fantastikaj Rimedoj De La Nova Photoshop CS5

Kreu Vian Propran, Manskriban Tiparon

Reta servo YourFonts ebligas krei unikan TrueType-tiparon el via propra manskribado. Labortabla versio de la softvaro kostas US$49, sed la reta versio estas tute senpaga. Vi nur bezonos printilon, skanilon kaj iom da tempo por fari ion vere eksterordinaran. La procezo estas simpla: unue elŝutu la PDF-ŝablonon, printu ĝin, kaj desegnu ĉiujn literojn indikitajn manskribe. Kiam preta, alŝutu la skanigitan folion reen al YourFonts, antaŭrigardu por kontroli ĉu la rezulto estas plaĉa, kaj finfine ĝuu vian tajloritan tiparon. Aldone, vi povas uzi la servon sen printi nek skani – kaze ke vi ĉiam revis krei frenezajn simbolojn, simple ŝargu la PDF-on en Adobe Illustrator kaj plenigu la kradon per ajna Esperantaĵo.

7 Bonegaj Programetoj Rekomenditaj de Mojose

Traduku – Traduku ajnan tekston el ajna lingvo al Esperanto, per simpla dekstra butona klako en via Firefox. Aldone al la Esperanto-vortaro, estas unu el la plej povaj komplementoj por blogistoj.

MediaMonkey – Kontrolu 100,000+ kantojn en via muzika kolekto tute trankvile. Nia plej ŝatata muzik-ludilo pretas por ĉiuspecaj dosieroj: kanzonoj, audiobooks, podkastoj ktp. Sinkronigu plurajn iPhone, iPod kaj aliajn MP3-ludilojn en la sama komputilo. Viaj dosieroj estas .WMA? Senprobleme – la programo konvertos la formaton on-the-fly por via iPod. Kaj multaj, multaj aliaj aferoj… Se vi havas multajn MP3-dosierojn, tiu programo estas por vi.

SyncBack SE – SyncBack estas plurfoje premiita softvaro por backup kaj sinkronigado. Vi povas perlabori viajn dosierojn en la sama komputilo, en malsama aparato (CDRW, CompactFlash ktp.), per FTP aŭ tra via loka reto.

Stardock ObjectDock – Kun pli ol 3 milionoj da elŝutoj en Download.com, ObjectDock ebligas alispecan organizadon en via PC, pli simila al la sistemo uzita de Apple-komputiloj. Fakte ObjectDock povas eĉ anstataŭigi vian tutan Start-menuon – se vi volas.

RoboForm – Temas pri elstara mastrumilo por pasvortoj. Ĝi ankaŭ plenigas formularojn aŭtomate kaj sekure gardas aliajn kaŝendajn informojn laŭ via bezono. RoboForm estis nomumita “Elekto de la Editoro” en PC Magazine kaj “Softvaro de la Jaro” ĉe CNET.

Syncplicity – Aliru al viaj dokumentoj ie, iam kaj iel ajn, aŭtomate sinkronigante viajn dosierojn inter diversaj komputiloj per Interreto. Senpaga por la unuaj 2 gigabajtoj da datumoj.

Ek – La klasika programeto ne estis aktualigita ekde 2005, sed daŭre ĝi estas la solvo por tajpi esperantajn ĉapelitajn literojn en ĉiuj vindozaj programoj. Kaj jes, ĝi funkcias sub Vista.

Ĉu estas alternativoj? Avertu nin en la komentoj.