Blogarkivoj

Virtualaj albumoj premiere ĉe Vinilkosmo-mp3.com

Por unua fojo Vinilkosmo eldonas virtualajn albumojn (kiuj ne estas eldonitaj sur KD) laŭ FLAC kaj mp3 formatoj en sia elŝutretejo. Inaŭguras tiun ĉi novan formon de eldono la du albumoj ĉi sekve :


MUZIKO

Revolucio en pajleraro, de argentinano Ale Kosabela (Alejandro Cossavella), ĉefa komponisto de La Porkoj kaj Strika Tango. La virtuala albumo aŭskulteblas kaj elŝuteblas alklakante ĉi tie: Revolucio en pajleraro

MUZIKO

Temas pri ciferecigita kaj remastrigita malnova albumo”62 Minutoj“; la unua elstara rokverko de Persone aperinta sur kasedo en 1987. Dudek du jarojn poste, la albumo estas reeldonita kaj vi tiel povas malkovri (aŭ remalkovri) ĝin ĉe 62 Minutoj. Ne hezitu viziti pli amplekse la elŝutretejon www.vinilkosmo-mp3.com

FLAC formato
La novaĵo ankaŭ estas ke por tiuj albumoj kiuj ne aperos sur KD, Vinilkosmo proponas KD-kvaliton per FLAC (senperda formato), kio donos al plej postulemaj uloj kontentigan kvaliton. Por aŭkulti FLAC-muzikon vi povas elŝuti diversajn softvarojn kiel Foobar, Mediamonkey,Winamp kaj simile.

Nova Videoklipo De Metallica

Ŝajnas ke Metallica liveros sian novan albumon “Death Magnetic” kanton post kanto. En iTunes, jam eblas aĉeti MP3-version de “My Apocalypse”, kvankam la tuta albumo nur estos lanĉita la 12an de Septembro. En la oficiala retpaĝo de la metala rokgrupo, oni povas aŭskulti la kanton “Cyanide”, kaj finfine en YouTube spekteblas nun la videoklipo de “The Day That Never Comes”, kiu memorigos vin pri Fade to Black.

Aŭskultu Ajnan Ekzistantan Kanton, Nun

TinySong estas unika servo por uzantoj de sociaj amaskomunikiloj, kiu kombinas elfluigantan aŭdion, serĉon kaj URL-mallongigadon. Ĝi  ebligas sendi muzikon al amikoj por tuja aŭskultado. Jen kiel ĝi funkcias: unue serĉu kanton ĉe www.tinysong.com; vidu la rezultojn kaj elektu la kanton, kiun vi volas aŭskulti. TinySong provizos mallongan URL-on, taŭgan por sendi kiel tekstmesaĝo aŭ tra Twitter. La ricevinto tiam povos, per simpla klako, aŭskulti la kanton en la GrooveShark reta muzikludilo , kiu postulas nek instaladon nek registradon de konto aŭ softvaro. Simpla, rapida, mojosa.

Trovu Album-Kovrilan Arton ĉe AllCDCovers

Ret-bazita album-arta biblioteko kaj serĉ-motoro AllCDCovers eble havas tiun mankantan album-arton, kiun vi delonge serĉis por plenigi vian digitalan muzikan kolekton. Kvankam ĝia nomo, AllCDCovers havas krom KD-arto ankaŭ DVD-kovrilojn kaj videoludaj kovriloj, antaŭe kaj malantaŭe, kun sufiĉe grandaj altkvalitaj versioj por senpaga elŝultado. AllCDCovers ne havis tiun esperanto-artiston, kiun mi serĉis, do eble tiu plej malhela trezorajxo via eble ne troviĝos tie; sed okaze ke iTunes Store malsukcesas ĉi tiun paĝaron povas esti helpega ilo. Ne forgesu mencii viajn plej ŝatatajn retajn fontojn por elŝulti album-artojn en la komentoj.