Blogarkivoj

Piedpilka Frenezo Proksimiĝas

Jen kiel pretiĝas patriotumi kreemaj italoj:

Kontrolu ĉe la sekvaj bildoj, ĉu ankaŭ vi jam posedas ĉion bezonatan por pasigi horojn kaj horojn antaŭ la TV aŭ via komputilo por spekti ĉiujn piedpilkajn maĉojn???

Tiu prezentaĵo postulas Ĝavoskripton.

Aperis Legaĵo Por Mojosaj Etuloj

Bolonja e-blogo kunhavigas novaĵon pri lanĉo de Etuleto, la porinfana revuo, kiun inventis mondvoĵaganto, verkisto, artisto kaj ekde antaŭnelonge paĉjo Marino Curnis.

Presita sur reuzita papero pro ekologia konscio de la inventinto, la revuo proponas 36 paĝojn de

fabeloj, poezaĵoj, ludoj kaj kanzonoj el ĉiuj mondopartoj, en originala lingvo kaj ankaŭ tradukite al la itala. Etuleto celas precipe infanojn […]  tamen estas sendube interesa ankaŭ por plenkreskuloj. Enpaĝigo  estas senriproĉa, en ĉarma, milda porinfana stilo, litertipo estas facile legebla kaj ankaŭ propedeŭtika. Ĉio plenas je zorgemo kaj respekto por tiom grava vivperiodo kiel infaneco.

Simpledire, utila kaj bela legaĵo.

Se vi jam havas vian propran etuleton, foliumu la prov-numeron kaj abonu la sekvontajn se ŝatas!

Kiel Malkovri Italajn Arturbojn Bicikle

Emiljo-Romanjo bicikle

Itala regiono Emiljo-Romanjo malfermas pordojn de 5 urboj plenaj de belegaj artaĵoj antaŭ viaj fortaj kruroj kaj GPS -navigilo.  Elektu kie vi emas bicikli, ĉu plenmontare en Apenino aŭ ĉe la Adriatika marbordo, kaj kion vi ŝatus trafi, ĉu antikajn urbetojn, kamparon aŭ arbarojn. Krom alŝuteblaj direkte vojaĝlibretoj kaj GPS-dosieroj, ĉe la paĝaro facile troveblas kutimaj utilaj informoj: kie tranokti, kie ripari la biciklon, kie manĝi, kie retumi…  

CyclE-R estas nova kreema projekto de urb- kaj provinc-estraroj de Faenza, Ferrara, Forlì-Cesena, Modena kaj Raveno, kiuj antaŭe jam prizorgis alian interesan multlingvan paĝaron Città d’arte pri la samaj arturboj. Do bonvenon!

NOTO: por la plej vojaĝemaj direkten al Italio, post 2 semajnoj oni MJS-umas en Piemonto. Pliaj informoj ĉi-tie.

Estu Preta Por La Somero 2010

13a – 16a Majo
Beneluksa Kongreso de Esperanto
Antverpeno, Belgio

14a – 16a Majo
Anemona Renkontiĝo 2010
Lesjöfors, Svedio

21a – 24a Majo (pentekosto)
Germana Esperanto-Kongreso
Kaiserslautern, Germanio

2a – 6a Junio
Blue floras la genciano 6 (junulara semajnfino)
Baden-Virtembergo, Aŭstrio

27a junio – 5a julio
Roskilde Muzika Festivalo
Roskilde, Danio

17a – 23a Julio
OSIEK-Konferenco
Herzberg am Harz, Germanio

23a Julio – 6a Aŭgusto
SOmera MezEŭropa REnkontiĝo (SOMERE)
Jünkerath, Germanio

24a – 31a Julio
IJK Internacia Junulara Kongreso
Los Cocos, Kubo

3a – 9a Aŭgusto
IJS Internacia Junulara Semajno 2010
Pécs, Hungario 

21a – 28a Aŭgusto
Itala Esperanto-Kongreso
Venecio, Italio

Opcioj abundas, kien vi iros?

Mal-ŝuojn Atendas Granda Onteco

Sciu ke ne plu mojosas ŝuoj kiun vi trovas en la paĝoj de ĵurnaloj kaj en la stokoj de grandvendejoj. Provu alkutimiĝi al neamasaj ŝuoj, kiujn vi parte kreas mem! Elektu kolorojn, materialojn kaj ĝuu piediradon sub multaj rigardoj plenaj de admiro kaj envio.

Unue tamen konatiĝu kun manifesto kaj galerio de Malŝuoj (itallingva sed sufiĉe komprenebla pro siaj frapvortoj kaj bildoj). Oni prezentas novan specon de ŝuproduktoj: la plando estu en la formo de duonluno. Sciencaj esploroj kaj testoj je volontuloj konfirmas, ke ĉi-tio ebligas pli korektan korp-situon kaj pli trejnos viajn muskolojn dume vi piediras. Krom la fukciemo, konsideru la disegnon, malmultaj uloj ĝis nun ekhavis ĉi-ŝuojn. Kreŭ kaj profitu unikecon ĝis kiam tio iĝas modo!

Antiscarpe

Okulvitroj Vintage Por La Printempo 2009

Pasintvendrede Itala dizajnisto Carrera lanĉis novan produktaron de okulvitroj laŭ la stilo vintage. La Novjorka festo ĉe Angel Orensanz Foundation rememoris pri la ’80aj jaroj; gastoj vestis sin laŭ tiu epoko, hararoj iĝis frenezaj kaj surprize koncertis Blondie, kiu ludis la (ege malofte ludatan) kanton “Rapture”.

La okulvitroj, haveblaj en kvar stiloj kaj 26 malsamaj koloroj, aĉeteblas de Bloomingdale’s kaj Solstice, je prezoj inter $120-$150.

Rultabulo, 2.0

nova ilo por konkeri ajnan surfacon

Divenu ĉu tio-ĉi estas okulvitroj por iu sportemulo. Fakte tute ne temas pri okulvitroj, sed iom rilatas al sportemuloj movemuloj. Tio-ĉi estas frukto de inspiriĝo kaj laboro de juna itala disegnisto Francesco Sommacal, al kiu Jurio de la prestiĝa internacia konkurso Red Dot Design Award aljuĝis la premion en kategorio “Ripoziloj/amuzigiloj”. Praktike ĝi estas hibridaĵo de glitkurilo (skateboard), surfilo (surf board) kaj neĝkurilo (snowboard) – transportilo je 2 radoj, fleksema kaj leĝera, ĉar farita de ŝtalo kaj aluminio. La “360” (originala nomo, cŭ ne?) ebligas konkeradon de ajna superfaco kaj estas facilega en uzo: oni simple metas la piedojn ene de  radoj, prenas la taŭgan korp-pozicion kaj ekas la moviĝon. Esploru aliajn mojosajn detalojn ĉe belega paĝaro de la kreinto kaj lia kreaĵo.

Alŝutu Videon, Atendu Inviton Al Cannes

Ĉu vi memoras esti respektema en kinejo kaj dum komencaj subtitoloj ekas malŝalti vian poŝtelefonon? Pli bone ĉesu tuj, ĉar vi riskas maltrafi la tutan filmon! Jen filmo-formato mallongega – filmetoj, kiuj ne superas 60 sekundojn. Por popularigi ĉi-formaton, ekde la 6a ĝis la 13a de septembro en itala urbeto Prato okazas festivalo Videominuto. Esencaj kaj “elpremitaj”, konkursantaj filmetoj bezonas tuj kapti atenton de spektantoj: tempo devigas.

Fakte en monda nivelo, ekde Lisbono ĝis Novjorko ekzistas pli ol deko da similaj festivaloj. Ili bonege taŭgas kiel provejo por junaj kinofarantoj, sed ofte partoprenas ankaŭ sukcesuloj. Ekzemple, brazilan Festival do Minuto de 1991 partoprenis Fernando Meirelles, kiu nuntempe estas fama reĝisoro interalie konata pro Cidade de Deus (Urbo de Dio). Ankaŭ veras ke foje tiujn filmetojn atendas evoluo kaj reĝisoro poste faras “normalan” filmon.

Ne Legu Plu Nian Blogon

ĉar verŝajne vi jam estas ret-dependa. Itala senlukra organizo kaj socia reto Netdipendenza konstatas ke ne plu eblas ignori ĉi-fenomenon kaj indas batali kontraŭ ĝi kune. Antaŭnelonge oni lanĉis aron de 25 eventoj en tuta lando por helpi al homoj, kiuj sentas nepovon aŭ malemon disiĝi de siaj gadget eĉ dum ferioj.

La programo celas “maltoksikiĝon”, instruadon de rilaksiĝo por tekno-streĉitaj. Oni proponas promenojn, ekzercojn en varma akvo, sesiojn de jogo, spiradon kaj aliajn similajn aktivecojn, kiuj malstreĉas kaj helpas kontraŭstari la krizon de abstino de poŝtelefono aŭ retmesaĝoj.

Mia persono opinio estas ke aperu pli da ĉi-specaj iniciatoj kaj amaskomunikiloj sentivigu publikan opinion pri tio. Jam nun kelkaj fakuloj pri sociologio, psikologio, antropologio atentigas kaj alarmas, ke ret-dependeco minacas ne nur al personaj rilatoj kaj sano de unuopaj individuoj, sed entute nia generacio kontribuas al plirapidiĝo de antropologiaj ŝanĝoj, ofte negativaj. Jam famas japanaj studentinoj, kiuj kapablas rapidege tajpi sms-ojn, kaj usonaj infanoj, kiuj regas komplikajn TV-DVD komandilojn multe pli bone ol la gepatroj.

Do, lasu vian komputilon por paro da horoj, revenu al plenvalora vivo eksterrete! Kaj poste ne forgesu rakonti viajn spertojn ĉi-tie en blogkomentoj:)

Fervoja Stacidomo Iĝos Balnea Ripozejo

Eta testo pri viaj geografiaj scioj: kie troviĝas Torino, ĉu ĝi estas apudmara urbo? La respondo post kelkaj jaroj estos iom miriga: jes, en urbocentro, tuj apud stacidomo Torino Porta Nuova aperos granda mar-ripozejo. Feliĉe ne temas pri klimatŝanĝo, oni simple volas ĝui maron, ne gravas ĉu veran aŭ artefaritan, sen preni transportilon por veturi al Liguria marbordo.

Por kontentigi ĉi-specan bezonon (kapriĉon?), jen iom megalomana propono de arkitekto Maurizio Zucca. La projekto subkomprenas restrukturiĝon de stacidoma zono, forigon aŭ subteriĝon de kelkaj platformoj. Anstataŭ konstrui tie komercajn centrojn aŭ ĉielskrapulon, oni portos marakvon al urbon kaj kreos pli ol 20-hektaran planĝumeblan ujon. Ĝies “marbordo” estos pli ol kilometron longa, kaj disponos je ĉirkaŭ 150 metrojn de plaĝo.

De kelkaj intervuoj kaj blogoj rilatajn al projekto jam naskiĝas belegaj bildoj en la imago: akvo anstataŭ asfalto, plaĝseĝoj anstataŭ komputiltabloj, pedalbarketoj anstataŭ liftoj kaj finfine naĝkostumoj anstataŭ ĉemizoj kun kravatoj. Mankas atendi nur 7 jarojn por vidi kielmaniere kunekzistas granda urbo kun sia mar-ripozejo. Intertempe, komentu ĉi- projekton: ĉu oni rajtas tiom draste ŝanĝi urban kaj naturan medion, saligi aeron kaj akvon, dume milionoj da personoj tutmonde ne havas aliron al trinkebla akvo? Ĉu artefaritaj naturplezuroj kapablas anstataŭgi verajn naturplezurojn? Ni bonveniĝas viajn komentojn!