Blogarkivoj

Google Book Search Nun Serĉas Gazetojn

Google anoncas, ke ĝia servo Google Book Search nun serĉas ankaŭ arkivitajn revuojn, plenkolore, ĉiupaĝe, retumil-legeble! Inter aliaj titoloj troviĝas Popular Science, New York Magazine, aŭ eĉ malhelaĵojn kiel Bulletin of Atomic Scientists. Rezultoj el magazinaj serĉoj aperas kune kun libraj serĉoj, sed se oni klakas sur Advanced Book Search, tie oni povas elekti “rezultoj nur el gazetoj”. Sed ni nur fieros kiam Kontakto aperu tie.

Advertisements

Unuaj Impresoj Pri Google Chrome

Antaŭ unu monato Google proponis novan retumilon Chrome. Ĝis nun, la retumilo estas en beta versio, kio signifas ke la programo ne estas tute finita, sed novaj versioj alvenos por ripari erarojn aŭ aldoni opciojn al la uzantoj.

La programo estas impresa pro ĝia rapideco kaj la klara uzant-interfaco. Sed post kelkaj horoj, oni rimarkas ke ankoraŭ mankas poluroj. Ekzemple RSS – la aldonaĵo de preferitaj paĝoj – ne estas sufiĉe bone regita, kaj estas kelkaj eraroj en Youtube, Orkut kaj Facebook.


Sed la plej bona aldonaĵo de Google Chrome estas la ebleco fermi precizan folion el la folioj kiujn ni ofte uzas dum retumado. Vi estas en Youtube kaj ankaŭ havas unu folion kun ludo, kaj unu alian kun babilejo; kutime, se unu folio eraras oni devas malŝalti la tutan retumilon – kaj perdi ĉiujn foliojn – , sed kun Google Chrome eblas elekti la folion kiun oni volas fermi, sen fermi la aliajn.

Resume, temas pri bona antaŭeniro al plibonkvalito de retumiloj. Certe Chrome vigligos la konkurencon kaj sekvigos progresojn en Firefox, Internet Explorer kaj aliaj. Kaj vi, ĉu vi jam provis Google Chrome? Rakontu en la komentejo.