Unuaj Impresoj Pri Google Chrome

Antaŭ unu monato Google proponis novan retumilon Chrome. Ĝis nun, la retumilo estas en beta versio, kio signifas ke la programo ne estas tute finita, sed novaj versioj alvenos por ripari erarojn aŭ aldoni opciojn al la uzantoj.

La programo estas impresa pro ĝia rapideco kaj la klara uzant-interfaco. Sed post kelkaj horoj, oni rimarkas ke ankoraŭ mankas poluroj. Ekzemple RSS – la aldonaĵo de preferitaj paĝoj – ne estas sufiĉe bone regita, kaj estas kelkaj eraroj en Youtube, Orkut kaj Facebook.

Sed la plej bona aldonaĵo de Google Chrome estas la ebleco fermi precizan folion el la folioj kiujn ni ofte uzas dum retumado. Vi estas en Youtube kaj ankaŭ havas unu folion kun ludo, kaj unu alian kun babilejo; kutime, se unu folio eraras oni devas malŝalti la tutan retumilon – kaj perdi ĉiujn foliojn – , sed kun Google Chrome eblas elekti la folion kiun oni volas fermi, sen fermi la aliajn.

Resume, temas pri bona antaŭeniro al plibonkvalito de retumiloj. Certe Chrome vigligos la konkurencon kaj sekvigos progresojn en Firefox, Internet Explorer kaj aliaj. Kaj vi, ĉu vi jam provis Google Chrome? Rakontu en la komentejo.

Semantika Reto, Komprenebla (video)

Semantika Reto povas esti sufiĉe malkomprenebla terminologio, sed en ĝi enestas giganta promeso por la estonteco de la homara kono. Parallax, nova reta interfaco kreita de David Huynh por foliumi malferman datumbazon Freebase, montras kiel enhav-bazitaj konektoj povas esti faritaj per maŝin-legeblaj datumoj, kun la celo provizi riĉajn rezultojn – kiuj siavice povas iĝi fascinaj grafikoj, inter aliaj eblecoj. Kvankam ankoraŭ en “beta”, Freebase estos esenca por multaj entreprenoj – kelkaj diras ke tiu metodo estas fakte la futuro de la tuta interreto. Ankoraŭ ne certas? La sekva video (anglalingve) klarigos la temon al vi.

Freebase Parallax: A new way to browse and explore data from David Huynh on Vimeo.