Blogarkivoj
iWatch, La Nova Horloĝo de Apple (falsa!)
Teknologia blogo Gizmodo demandas: ĉu vi aĉetus tion, se ĝi ekzistus?
Aleksander Osincev Lanĉas Blogon Pri iPhone En Esperanto
La 14an de Aprilo 2009 nia profesia kolego Aleksander Osincev lanĉis iPhoneo, blogo pri iPhone en Esperanto. Per ĝia belega WordPress-etoso, desegnita de DreamTemplate, la aŭtoroj enkondukas novaĵojn, programojn kaj ligojn rilate al la mojosa aparateto de Apple.
ALDONU AL VIA RSS-LEGILO: http://iphoneo.info/
Nova Ludo Por iPhone, Verkita de Esperantisto
Programisto, esperantisto kaj Mojose-skipano Chuck Smith havis hodiaŭ programon akceptitan de Apple, nomumita “Random Chess” (Chess960). Temas pri amuza videoludo kiu, laŭ specialaj reguloj, hazardigas la komencan pozicion en ŝako. Ĝi estas ludebla en iPhone kaj iPod Touch kaj aĉeteblas en iTunes kontraŭ nur $0,99. Chuck rimarkas ke “cetere, se vi havas interesajn ideojn por kiel disvastigi Esperanton per iPhone-programo, nepre diru en la komentoj”.
3G-iPhone-Telefonoj Unue En Nov-Zelando, Unu Tago Antaŭ ol Usono
Ĉu vi sin konsideras Apple-fanatiko? Ĉu vi devas havi la “lastan” kaj “plej povan” tuj kiam ĝi estos liverata? Ni havas fidindan informon, ke la unua iPhone 3G de la mondo estos aĉetebla je 00:01, Vendredo la 11an de Julio en Nov-Zelando. Je tiu preciza horo, Vodafone NZ malfermos la pordojn de ĝiaj butikoj en Auckland, Wellington kaj Christchurch. Nun vi jam scias kie aĉeti ĝin por GPS-igi vian biciklan karavanon al IJK.
Mojose 