Author Archives: rolffantom

Esperantaĵoj en Facebook

Ĉu vi iam ajn ricevis Karmo-Vinon, Esperanto Desperadon, Feston, aŭ eĉ akuzativon de amiko? Se ne, tiam akiru la ‘Esperantaĵoj’-funkcion en Facebook! Vidu kiom da diversaj esperantaĵoj vi konas, kaj kiom da vi ankoraŭ ne komprenas. Ekzemple, ĉu vi konas la miton de la ĉambro 14? La alludon de homlupoj? Se ne, vi baldaŭ lernos!

La Plej Malgranda Aŭtomobilo Iam Ajn

Brita (fi)fama televidulo Jeremy Clarkeson (el Top Gear) ŝoforis tiun ĉi aŭteton interne de la ĉefkonstruaĵo de BBC en centra Londono. Farita en 1963 sur la Insulo Man, ĝi atingas 61 km/h kaj facile tireblas kvazaŭ valizo. Ŝajne ĝi ne multe vendiĝis, kaj neniam atingis Usonon; tamen pro la nuntempaj prezoj de nafto, ni jam pripensas aĉetadi! ;-)

Ve! La originala video sendita de Rolf malaperis!! (dankon Tusxar por informi nin)

Nu, jen la sama video per alia ligo:

WordPress uzata por la IS

Jes ja, ne nur vi novaj mojosuloj havas monopolon je tiu ĉi amuza kaj utila modernaĵo WordPress. Ankaŭ ni en la establita esperantujaro utiligas foje ion novan. Danke al Tim Owen, de Junularo Esperantista Brita, ne nur la Brita junulara asocio havas WordPress-an paĝaron, sed ankaŭ la Internacia Seminario nun fieras pri moderna, simpla kaj tre efika retpaĝaro. Esploru ĝiajn diversajn eblecojn kaj ĝuu la etoson de IS en la reto, ekzemple per tiu ĉi video pri pasinta Internacia Seminario.