Author Archives: kataluna

“Jen Biblioteko” Kaj “Spam-Muzeo”

Oni reuzas multe pli da aĵoj ol ni pensas. Eĉ konsumema socio kiel la Usona ekzorgis pri trovi manieron por uzi denove tiujn grandegajn konstruaĵojn, kiuj antaŭe estis vendejegoj kaj komerc-centroj, sed nuntempe iĝis fermitaj aŭ lasitaj pro la nova merkatik-strategio de siaj estroj. Do, anstataŭ famegaj Wall-Mart k.s. aperas tribunaloj, preĝejoj, malsanulejoj, lernejoj, ĝimnastikejo, biblioteko kaj eĉ spam-muzeo. Kaj tio verŝajne restus tute nerimarkita fakto, se Julia Christensen ne kolektintus fotojn, kiuj rakontas pri tiuj “reenkarniĝoj”. Materialo kaj impresoj sufiĉis por la libro BigBox: Reuse, kiu jam estas eldonita kaj parolas pri multaj aferoj, ekde aĉetumado (shopping) kaj konsumismo, ĝis unuiĝo de arto, politik-ekonomiko kaj konscia eko-konduto.

Israela Erotika Kanalo Plaĉas Ankaŭ al Araboj

Liberpensantaj kaj liberprogramantaj uloj de Tel-Avivo proponas sian solvon por la palestin-israela konflikto. Dum diplomatiaj iloj ne multe funkcias kaj pac-tenantoj ne ĉiam sukcesas, oni celas interkomprenon kaj pacon pere de lingvo de ĉies bazbezonoj. Sekvante la frapfrazon “Amoru, ne militu“, oni invitas spekti erotikan tv-kanalon “Parpar” , kie aktoras tute pace araboj kaj judoj kune. La nura kondiĉo por aktori kaj aperi en la elsendo: esti naskita en la Sankta Tero. Titoloj de filmetoj estas ĉarme lokaj: “Sekso koŝera, “La floro de milo kaj unu nokto” kaj klarigas intereson de ambaŭ flankoj. Aliroj al la paĝaro estas registrataj ne nur en Tel-Avivo kaj ĉirkaŭaĵoj, sed ankaŭ ene de araba mondo, kie pro sekureco kaj moralaj normoj ĝi maskas sin per “benzin-provizo“.

Noto: ni publikigas neniun bildon kune kun ĉi-informo, nek donas rektan ligon, malgraŭ la kutimoj de blogoj, ĉar supozeble kelkaj el niaj legantoj ankoraŭ ne atingis 18 jarojn.

Alŝutu Videon, Atendu Inviton Al Cannes

Ĉu vi memoras esti respektema en kinejo kaj dum komencaj subtitoloj ekas malŝalti vian poŝtelefonon? Pli bone ĉesu tuj, ĉar vi riskas maltrafi la tutan filmon! Jen filmo-formato mallongega – filmetoj, kiuj ne superas 60 sekundojn. Por popularigi ĉi-formaton, ekde la 6a ĝis la 13a de septembro en itala urbeto Prato okazas festivalo Videominuto. Esencaj kaj “elpremitaj”, konkursantaj filmetoj bezonas tuj kapti atenton de spektantoj: tempo devigas.

Fakte en monda nivelo, ekde Lisbono ĝis Novjorko ekzistas pli ol deko da similaj festivaloj. Ili bonege taŭgas kiel provejo por junaj kinofarantoj, sed ofte partoprenas ankaŭ sukcesuloj. Ekzemple, brazilan Festival do Minuto de 1991 partoprenis Fernando Meirelles, kiu nuntempe estas fama reĝisoro interalie konata pro Cidade de Deus (Urbo de Dio). Ankaŭ veras ke foje tiujn filmetojn atendas evoluo kaj reĝisoro poste faras “normalan” filmon.

Profiti Malplenecon Kaj Iĝi Famaj

Ne ĉiuj posedas ektarajn terenojn por konstrui mirindajn vastajn domojn, kelkaj heredas iom maloportunajn spacojn. Kial do lasi neuzitan paron de metroj inter unu konstruaĵo kaj la alia? Demandis sin belgaj arkitektoj Pieter Peerlings kaj Silvia Mertens kaj trovis la solvon. Por plenigi la 2.4 x 5.6 metrojn inter du domoj, en la urbo Antwerpen, ili konstruis la loĝejon, surmetite 4 containers (enhavilojn) unu super la alian, preskaŭ kvazaŭ LEGO brikoj. Ilia kreaĵo jam estas bendita kiel la plej streĉa domo de tuta la mond’ , sed troviĝas ĝuste en la mezo de distrikto de tielnomataj “ruĝaj lumoj”. Por distingiĝi, la konstruaĵo estas farbita en 4 koloroj, etaĵo post la etaĵo: unue estas blanka oficejo, poste verda kuirejo, sekvas ruĝa salono kaj finfine la nokta zono estas blua.

Ne Legu Plu Nian Blogon

ĉar verŝajne vi jam estas ret-dependa. Itala senlukra organizo kaj socia reto Netdipendenza konstatas ke ne plu eblas ignori ĉi-fenomenon kaj indas batali kontraŭ ĝi kune. Antaŭnelonge oni lanĉis aron de 25 eventoj en tuta lando por helpi al homoj, kiuj sentas nepovon aŭ malemon disiĝi de siaj gadget eĉ dum ferioj.

La programo celas “maltoksikiĝon”, instruadon de rilaksiĝo por tekno-streĉitaj. Oni proponas promenojn, ekzercojn en varma akvo, sesiojn de jogo, spiradon kaj aliajn similajn aktivecojn, kiuj malstreĉas kaj helpas kontraŭstari la krizon de abstino de poŝtelefono aŭ retmesaĝoj.

Mia persono opinio estas ke aperu pli da ĉi-specaj iniciatoj kaj amaskomunikiloj sentivigu publikan opinion pri tio. Jam nun kelkaj fakuloj pri sociologio, psikologio, antropologio atentigas kaj alarmas, ke ret-dependeco minacas ne nur al personaj rilatoj kaj sano de unuopaj individuoj, sed entute nia generacio kontribuas al plirapidiĝo de antropologiaj ŝanĝoj, ofte negativaj. Jam famas japanaj studentinoj, kiuj kapablas rapidege tajpi sms-ojn, kaj usonaj infanoj, kiuj regas komplikajn TV-DVD komandilojn multe pli bone ol la gepatroj.

Do, lasu vian komputilon por paro da horoj, revenu al plenvalora vivo eksterrete! Kaj poste ne forgesu rakonti viajn spertojn ĉi-tie en blogkomentoj:)

Nova Muzeo Volas Halti La Tempon

Ĉu oni povas fermi en muzeo ian realecon en daŭra evoluo, ekzemple, infomadon? En Washington, apud Campidolium, malfermiĝis NewsMuseum (NovaĵMuzeo). Kreaĵo de Novjorkaj arkitektoj de Polshek Studio, ĝi aspektas kiel giganta 3-dimensia ĉiutag-gazeto. En ĝies 7 etaĵoj oni povas viziti la galerion kun ĉiuj fotoj- venkistoj de Pulitzer-premio aŭ ĉiuj fotoj memore la 11an de Septembro 2001, kun la ĉefpaĝoj de jurnaloj de la sekvanta mateno post la tragedio. En alia parto de la muzeo oni omaĝas 1800 ĵurnalistojn kiuj mortis “ĉe laboro” ekde 1837 – kaj ne mankas aŭtoj kun grataĵoj por montri minacojn de ĉi-metio. Ĉeestas ankaŭ infana zono kun kinejo kaj TV-studio, kie oni povas gustumi la emocion iĝi prezentanto por por unu tago.

Fervoja Stacidomo Iĝos Balnea Ripozejo

Eta testo pri viaj geografiaj scioj: kie troviĝas Torino, ĉu ĝi estas apudmara urbo? La respondo post kelkaj jaroj estos iom miriga: jes, en urbocentro, tuj apud stacidomo Torino Porta Nuova aperos granda mar-ripozejo. Feliĉe ne temas pri klimatŝanĝo, oni simple volas ĝui maron, ne gravas ĉu veran aŭ artefaritan, sen preni transportilon por veturi al Liguria marbordo.

Por kontentigi ĉi-specan bezonon (kapriĉon?), jen iom megalomana propono de arkitekto Maurizio Zucca. La projekto subkomprenas restrukturiĝon de stacidoma zono, forigon aŭ subteriĝon de kelkaj platformoj. Anstataŭ konstrui tie komercajn centrojn aŭ ĉielskrapulon, oni portos marakvon al urbon kaj kreos pli ol 20-hektaran planĝumeblan ujon. Ĝies “marbordo” estos pli ol kilometron longa, kaj disponos je ĉirkaŭ 150 metrojn de plaĝo.

De kelkaj intervuoj kaj blogoj rilatajn al projekto jam naskiĝas belegaj bildoj en la imago: akvo anstataŭ asfalto, plaĝseĝoj anstataŭ komputiltabloj, pedalbarketoj anstataŭ liftoj kaj finfine naĝkostumoj anstataŭ ĉemizoj kun kravatoj. Mankas atendi nur 7 jarojn por vidi kielmaniere kunekzistas granda urbo kun sia mar-ripozejo. Intertempe, komentu ĉi- projekton: ĉu oni rajtas tiom draste ŝanĝi urban kaj naturan medion, saligi aeron kaj akvon, dume milionoj da personoj tutmonde ne havas aliron al trinkebla akvo? Ĉu artefaritaj naturplezuroj kapablas anstataŭgi verajn naturplezurojn? Ni bonveniĝas viajn komentojn!

Ĉereta Neforgesilo Por Ajna (Mal)Gravaĵo

La diferenco inter ĉi-tiuj kaj aliaj paĝaroj de kundivido-vivo-ktp estas ke ĉiuj estas alvokitaj ekspozicii veran kaj propran eron de memoro, markante la tagon, monaton (devige) kaj motiviĝon. Ĝi dividiĝas en kategorioj: laboro kaj vojaĝoj, bonaj novaĵoj kaj malbonaj, amo kaj muziko. Emociaj kiel “la KD kiu ŝanĝis mian vivon”, aŭ enterprenaj kiel “la tago kiam estis fondita iu eta firmao de io-ajn-kontraŭvian monon”. Kaj ankoraŭ vi trovos iun germanan fraŭlinon, kiu anoncas ke tranĉis siajn dreadlock-hararaĵojn, kiuj ne fortranĉadis ekde longa tempo.

Post iom da tempo la servo de mikro-memoraĵoj disponeblos ankaŭ por poŝtelefonoj.

La Duŝo Pret-A-Porter

Fari la duŝon subĉiele hodiaŭ estas pli facile. Danke al sistemo kiun oni povas ligigi al guma tubo, pere de kiuj oni akvumigas la plantojn en ĝardeno aŭ balkono. Pere de pintingo ĉi-portebla duŝo fiksiĝas al grundo, pere de stango ĝi iĝas “free-standing(libere staranta) kaj do povas stari sur ajna planko. Per hoko, ĝi transformiĝas en mura akvostrio. Ho! La duŝo Camilla, kreita de itala dizajnisto Giulio Granturco, ŝajnas nur tubo, sed fakte estas projekto hi-tech. La blua apogilo en farbita aluminio estas teleskopa kaj apogas la gargojlon de patentita materialo Derlin©, la tubo mem estas silikona. Baldaŭ ĉi-duŝo vendotas, kontraŭ 380 eŭrojn. Freŝa…

Mastrumu Vian Vinkolekton Per Alta Teknologio

Ankaŭ la kulto de bonega vino iĝas hi-tech. WineM estas la unua ekzemplo de multimedia enoteko lerta kaj inteligenta. Ĝi estas proponita per la studio ThingM, de spertuloj pri robotiko Mike Kuniavsky kaj Tod E. Kurt. Ĉiu botelo, etikedita per notoj pri ĝies gusto kaj enologiaj trajtoj (jaro de viniĝo, regiono de diveno, prezo…) iras en unu el multaj ĉeloj. Ĉiu ĉelo havas sistemon de kolora lumiĝo, ligita al ĉefa komputilo. Por serĉi iun konkretan botelon, sufiĉas entajpi la nomon sur kontrolpanelo (“console”), kaj tuj poste lumiĝos la koresponda ĉelo.