Author Archives: kataluna

En Ajna Domo Kiel En La Via

Ĉu iam okazis al vi pensi, dum vi estas gasto de iu pasportservano, “Kiom mi ŝatus loĝi ĉi tie!” ? Ĉu eble vi revas ŝanĝi loĝlokon SEN aĉeti la novan ejon?

Por ŝanĝi la domon, por iom da temppo, ekzistas  internacia reto de kontaktoj HomeLink, kiu kunigas homojn serĉantajn novajn impresojn.

Funkcias tiel: unue vi priskribas la propran domon ĉe la paĝaro kaj serĉas tion, kio plaĉas al vi. Se la posedantoj de tiu alia domo ŝatas la vian, vi rajtas “interŝanĝi” (laŭ kondiĉoj de la reto). Ne gravas, kiom granda kaj bela estas via loĝejo – ĉu kabano aŭ palaco -, gravas ke la priskribo estu sincera kaj plaĉu al iu alia.

Ĝenerale oni povas serĉadi  ĉe tutmonda aŭ ĉe loka paĝaro, kiuj nuntempe nombras pli ol 30. Ne nur en Eŭropo, sed ankaŭ en Belize, Australio, Ĉinio, Islando, Kenio, Havajo, Brazilo, Tunizio, Kostariko, Japanio kaj aliaj.

La servo ne estas senpaga; tio dependas de la lando. En Italio, ekzemple, oni pagas 120 eŭrojn por jara aliĝo. Onidire neniam okazas ŝteloj, ĉar ĉiu volas reveni al propra hejmo kaj trovi ĝin kiel ĝi estis antaŭe. Homelink, funkcianta ekde 1953 tute sukcese, konstatatas ke  la membraro kreskas ĉiujare, malgraŭ la ekonomia krizo kaj aliaj ŝanĝoj de turismkutimoj.

Piedpilka Frenezo Proksimiĝas

Jen kiel pretiĝas patriotumi kreemaj italoj:

Kontrolu ĉe la sekvaj bildoj, ĉu ankaŭ vi jam posedas ĉion bezonatan por pasigi horojn kaj horojn antaŭ la TV aŭ via komputilo por spekti ĉiujn piedpilkajn maĉojn???

Tiu prezentaĵo postulas Ĝavoskripton.

Inteligentaj Retoj Interplektu Vian Kuirejon

Germana firmao Electrolux subskribis kun italaj Indesit, Enel kaj Telecom Italia akordon “Energio ĉe Hejmo” (Energy@Home), kiu celas ekfunkciadon kaj evaluon de novaj servoj, bazitaj sur komunikado por elektr-hejm-ilaro de la onta generacio de Indesit kaj Electrolux. Enel kontrolas kaj mastrumas konsumojn de elektricito  kaj de la reto ĉe Telecom Italia. Celo de projekto estas igi “inteligentajn” hejmumilojn kapablaj memmastrumiĝi, regulante konsumojn de energio en la tuta  loĝejo kaj  evitante trouzon kaj misuzon.  Alivorte, jen sekva paŝo por evalui kaj uzi “inteligentajn retojn”, kiuj en estonteco ebligos sendi informojn al hejmaj iloj, kiuj memprogramiĝu, bilancante konsumojn automate, sen minaci la korektecon de funkciado .

Aperis Legaĵo Por Mojosaj Etuloj

Bolonja e-blogo kunhavigas novaĵon pri lanĉo de Etuleto, la porinfana revuo, kiun inventis mondvoĵaganto, verkisto, artisto kaj ekde antaŭnelonge paĉjo Marino Curnis.

Presita sur reuzita papero pro ekologia konscio de la inventinto, la revuo proponas 36 paĝojn de

fabeloj, poezaĵoj, ludoj kaj kanzonoj el ĉiuj mondopartoj, en originala lingvo kaj ankaŭ tradukite al la itala. Etuleto celas precipe infanojn […]  tamen estas sendube interesa ankaŭ por plenkreskuloj. Enpaĝigo  estas senriproĉa, en ĉarma, milda porinfana stilo, litertipo estas facile legebla kaj ankaŭ propedeŭtika. Ĉio plenas je zorgemo kaj respekto por tiom grava vivperiodo kiel infaneco.

Simpledire, utila kaj bela legaĵo.

Se vi jam havas vian propran etuleton, foliumu la prov-numeron kaj abonu la sekvontajn se ŝatas!

Trovu Edz(in)on Per Esperantujo!

edzperantoEsperantujo ne evitis sorton de eksteresperantujo. Inter multaj sociaj retoj, kiuj proponas konatiĝi ĉerete, montri fotojn, babilumi kaj voĉparoli ktp, celante igi homojn kunulojn, amorantojn kaj, kiu scias, geedzojn, tute kohere staras ankaŭ Edzperanto. Laŭ ideo de la paĝarprizorgantoj, ĝi estas la unua interreta renkontoj-servo, funkcianta pere de Lingvo Internacia. Edzperanto estas senpaga, malkiel alia paĝaro rilatoj.net, pagenda kaj kun multe pli da servoj.

Kreu vian profilon sur Edzperanto kaj komencu serĉi vian duan duonon!!!

Kiel Malkovri Italajn Arturbojn Bicikle

Emiljo-Romanjo bicikle

Itala regiono Emiljo-Romanjo malfermas pordojn de 5 urboj plenaj de belegaj artaĵoj antaŭ viaj fortaj kruroj kaj GPS -navigilo.  Elektu kie vi emas bicikli, ĉu plenmontare en Apenino aŭ ĉe la Adriatika marbordo, kaj kion vi ŝatus trafi, ĉu antikajn urbetojn, kamparon aŭ arbarojn. Krom alŝuteblaj direkte vojaĝlibretoj kaj GPS-dosieroj, ĉe la paĝaro facile troveblas kutimaj utilaj informoj: kie tranokti, kie ripari la biciklon, kie manĝi, kie retumi…  

CyclE-R estas nova kreema projekto de urb- kaj provinc-estraroj de Faenza, Ferrara, Forlì-Cesena, Modena kaj Raveno, kiuj antaŭe jam prizorgis alian interesan multlingvan paĝaron Città d’arte pri la samaj arturboj. Do bonvenon!

NOTO: por la plej vojaĝemaj direkten al Italio, post 2 semajnoj oni MJS-umas en Piemonto. Pliaj informoj ĉi-tie.

Imitaĵo Ankoraŭ Pli Genia Ol Originalaĵo

enjoy esperantoĈu ne? Ni danku na Pako Belmonte el Barcelono kiu kunhavigis ĉi-bildon en Vizaĝlibra anaro ¨Mi drinkis kun iu de tiu-ĉi grupo¨. Kiu konas la aŭtoron de la bildo, bonvolu  rakonti la  historion en komentoj.

Freneza Trajno Kiu Ne Haltos

Fervojaj inĝenieroj el Popola Republiko pridesegnas novan trajnon por la linio Pekino-Guanĝojo. Krom esti rapidega, ĝi kapablos envagonigi pasaĝerojn sen halti, nur malrapidiĝante ĉe la haltejoj. Legu (anglalingve) pliajn klarigojn kiel funkcios tiu mojosa veturigilo kaj spektu la etan filmon (mandarinlingve) ĉerpitan ĉe YouTube:

Kartono+Lulkanto=Balouga

Bela donaco por   viaj nevoj, nepoj kaj propraj idoj.  Malpeza,  rapide farebla kaj mojosa,  ĉar  simple kartona. Lul-lito  Green  Lullaby de  Balouga, franca enterpreno de porbebaj kaj  porinfanaj mobilaĵoj, dekoraĵoj kaj originalaĵoj, kiu aktive apogas ekologikonsciajn dizajnaĵojn kaj inventaĵojn.

balouga

En la sama kartona varlinio ekzistas  krome benkoj kaj tabletoj je modera prezo. Aĉeteblas ĉio en la pariza vendejo  Gallerie Balouga (25 rue des Filles du Calvaire)  aŭ en retvendejo, kaj oni liveras en tuta Eŭropo kaj Svislando.

Kiel Trafi 18 Sunleviĝojn Dumtage

Sufiĉus pagi 3 milionojn de euro al hispana luks-turizm-firmao Galactic Suite, kiu anoncas en 2012 malfermi pordojn de la unua kosma hotelo por ajna pagipova persono. Kontraŭ tiu mono vi ricevos trejnadon sur tropika insulo dum 8 semajnoj kaj poste 3 tagojn  de ekstertera sperto je alteco de 450 kilometroj kaj je rapideco de 30 000 km/h.

Space hotel

Gxis nun  jam 43 riĉuloj mendis  hotelon, kvankam samtempe ĝi povas akcepti nur 4 gastojn.   Do aliĝu rapide  por ne vici tro longe!

Eksciu plurajn detalojn el intervuo de Xavier Claramunt pri la projekto (en hispana) aŭ   oficiala filmeto (en angla) kun bela kosma muziko.