Virtuala ĥoro

Usona komponisto kaj ĥorestro Eric Whitacre faris interesegan eksperimenton: li disdonis muzikfoliojn de sia verko, Lux Aurumque (Lumo kaj Oro), por 9-voĉa gea ĥoro. Li proponis al ĥor-kantistoj en la tuta mondo ke oni registrigu sian voĉon en filmeton alŝutotan al YouTube. Poste, li miksis la kantojn de ĉiuj homoj kaj faris jenan video-klipon, absolute senspirigan.

Finfine temas pri 185 homoj el 12 landoj, kiuj kantas dise sed kunigitaj per la teknologio kaj la elano de S-ro Whitacre! Impresa virtuala ĥoro.

La teksto estas latina traduko de originala anglalingva poemo fare de Edward Esch. Ĝi tekstas:

Lux,
Calida gravisque pura velut aurum
Et canunt angeli molliter
Modo natum

Lumo,
varma kaj peza kiel pura oro
Kaj milde kantas anĝeloj
Al ĵus naskita bebo

Advertisements

Posted on Marto 25, 2010, in Muziko and tagged , , , , . Bookmark the permalink. Komentoj malŝaltitaj ĉe Virtuala ĥoro.

Komentado estas fermita.

%d bloggers like this: