La 7 Plej Bongustaj Blogoj De La Mondo
Novembro 6, 2009 at 6:45 ptm | In Libroj, Listoj, Manĝado | 6 CommentsTags: 7canibales, donna hay, gourmand awards, jamie olivier, jeremy parzen, nigell
Jen la listo de neoficialaj “forn-mojosuloj”, alivorte tutmonde agnoskitaj blogistoj, kiuj tamen estas for de grandaj markoj de vinmanĝaĵa kritikumado.
- Itala La cuisine de Fabien kun diversaj receptoj kaj vere belegaj fotoj, pro kiuj en 2007 Fabien gajnis en konkurso “La plej bela foto-blogo”, organizita de squisito.org
- Kataluna 7canibales, kie amasas receptoj, diskutoj kaj rakontoj pri manĝaĝoj far de kelkaj iberiaj ĵurnalistoj kaj verkistoj
- Angla Jamiemagazine de juna kuiristo kaj lerta komunikisto Jamie Olivier, kiu, krom kuiri, ankoraŭ instruas en lernejoj la sanajn manĝkutimojn al gepatroj kaj infanoj
- Usona Nigell, interalie mojosa pro sia saĝecaro rilate kuiradon, manĝadon kaj manĝaĵojn
- Alia usona Dobianchi, kies aŭtoro sin prezentas kiel historiisto pri manĝaĝoj kaj trinkaĵoj, tradukisto kaj muzikisto. Efektive ĉi-blogo iĝis fama ĉar disvastigas inter usonanoj sekretojn de itala kuirarto kaj popularigas ankaŭ aliajn manĝaĵ-spertojn
- Aŭstralia Donnahay, kiu ĉefe traktas simplajn receptojn, facile plibonigeblajn. Post gajni internacian konkurson Gourmand Awards en 2007 pro la receptolibro, la aŭtorino nun malfermis vendejon kun propra nomo.
- ĉu vi jam lanĉis esperanto-lingvan receptblogon? Jen la loko por vi!
Ĉu Estas Limoj Por Amo?
Oktobro 5, 2009 at 9:37 ptm | In Filmoj, Vojaĝado | Leave a CommentTags: Carlo Pisani, lovetrips, The European Cultural Foundation
La respondon ni trovos Somere 2010 ĉe kelkaj filmfestivaloj, kie spekteblos dokumentario Lovetrips (amvojaĝoj). Itala reĝisoro Carlo Pisani, kiu enamiĝis en Svislandino antaŭ 9 jaroj kaj venkis monkonkurson de Eŭropa Kultura Fondo, nun estas preparanta filmadon pri malproksimaj enamiĝintoj kaj diversaj spertoj kiuj ekas en ĉi-specaj rilatoj.
Ĝis la 30a de novembro oni serĉas homojn, kiuj vivas internacian amrilaton ene de EU. Simple aliĝu al la projekto – post 4 semajnoj vi scios ĉu oni elektis vin kaj vian kunul(in)on por filmado. Aĝo, sekso kaj nacieco ene de Eŭrop-Unio ne gravas. Nek gravas bone paroli la anglan, ĉar oni rajtos rakonti sian amhistorion en la denaska lingvo.
Kiel Solvi 7 Tutmondajn Problemojn
Aŭgusto 24, 2009 at 5:24 ptm | In Dizajno, Manĝado | 1 CommentTags: entrepreno, mono, project 7
Se vi preferas ke iu alia decidu kiel elspezi profiton de via aĉeto, tralasu ĉi-novaĵon.
Naskiĝis antaŭ 2 jaroj ¨Project 7¨, kiu ligigas vere konsciajn, neprifajfantajn homojn pretajn pagi multe por ĉiutagaj varoj kun la homoj kiuj bezonas monan aŭ alian helpon. La ĉefa ideo, kiun proponas kreintoj, sonas tre bele: ŝangu vian celon! Tio efektive signifas ke vi ne simple aĉetas pro VIA bezono, sed vi aĉetas pro bezono de IU ALIA. Oni celas kontribui al solvo de problemoj, kiuj ja sendube urĝas esti solvitaj en tutmonda grado: kuri malsanulojn, havigi domon al senhejmuloj, manĝigi malsatulojn kaj aliaj.
Kiel funcias ĉi-entrepreno? Dume oni aĉetadas varojn, ĉiujare projekt-kunordigando ricevadas proponojn de senprofitajn organizojn pri siaj agoj en 1 de 7 fakoj. Fine de la jaro oni elektas por ĉiu fako 1 gajninton kaj tiel oni realigas bonfarajn projektojn pere de mono, kiu estas vendprofito. Gravas ke ĉiu individua aĉetinto, registrita ĉe koncerna paĝaro, povos sekvi proprokule ¨kien iras mono¨ pere de blogaj novaĵoj, fotoj, videoj ktp.
Atentu ke tiuj mojosaj maĉgumoj kaj alio aĉetblas ne nur en kutimaj vendejoj, sed ankaŭ en ĉereta butiko! Elektu vian varon, aĉetu ĝin konscie kaj rakontu al ni en la komentoj, ĉu vi kontentas pri la elspezo.
Akanksha, Admirakiraj Vestoj La Tutan Jaron
Aŭgusto 17, 2009 at 6:13 ptm | In Modo | Leave a CommentTags: Akanksha, dauxrigebla solvo, hindujo, Sheena Matheiken
Konatiĝu kun projekto de daŭrigebla modo, alveninta el Barato kaj praktikita en Novjorko ekde Majo 2009. La ideo estas jena:
Efektive ĝi signifas nur 7 roboj, tute similaj, por 7 tagoj de semajno, kiujn surmeti dum la tuta jaro. Sonas freneze, sed tute ne estas. Sheena Matheiken, edukita en Hindujo en religia lernejo – nun plenkreska – provas “eltiri ĉion” de la modesta kotona robo.
La kreiva Sheena aspektas ĉiutage tre malsimile: kiel eleganta sinjorino kun senriproĉa vestgusto, aŭ kiel senpensema adolesko, aŭ kiel propra avino dank’ al malnovstilaj aksesoraĵoj aŭ naciaj kromroboj.
La projekto ne nur instigas kunlaboron inter vestaĵdisegnistoj kaj homoj, kiuj volas mojose aspekti en la serĉo de daŭreblaj solvoj, sed ankaŭ kolektas monon por infanoj de hinduaj mizerdistriktoj.
Simple rigardu la fotogalerion aŭ donacu viajn aksesorojn por kontribui al sukceso.
Germana Televidkanalo Parolas Esperanton
Julio 22, 2009 at 11:03 atm | In Eventoj, Televido | 5 CommentsTags: ARD, germanio, IJK, leo sakaguchi
Fum-libroj: Legado Ne Mortigas
Majo 17, 2009 at 11:42 ptm | In Dizajno, Libroj | 4 CommentsTags: hemingway, kafka, pret-a-porter, tank-magazine
Vian la plej ŝatatan libron vi povas ne nur aŭskulti sed ankaŭ “fumi”. Konatiĝu kun TankBooks, unu de projektoj de anlgaj kreemuloj, kiuj interalie posedas na Tank-magazine (Tank-ĵurnalon). Nun oni ekproponas klasikajn verkaĵojn de Kafka, Tolstoy, Hemingway, Kipling. Esperanto-verkistoj momente mankas en ĉi-listo:)
Kiel vi povas vidi ĉe la bildo, eldonaĵoj efektive estas etaj libroj en pret-a-porter formato, sur kiuj tamen tute mankas iuj timigaj frapfrazoj pri danĝeroj por la sano. Do legu kaj ne zorgu! Por mendi vian ekzempleron kontaktu rekte londonan oficejon de kreintoj.
Mal-ŝuojn Atendas Granda Onteco
Aprilo 26, 2009 at 1:07 ptm | In Dizajno, Modo | Leave a CommentTags: antiscarpe, italio
Sciu ke ne plu mojosas ŝuoj kiun vi trovas en la paĝoj de ĵurnaloj kaj en la stokoj de grandvendejoj. Provu alkutimiĝi al neamasaj ŝuoj, kiujn vi parte kreas mem! Elektu kolorojn, materialojn kaj ĝuu piediradon sub multaj rigardoj plenaj de admiro kaj envio.
Unue tamen konatiĝu kun manifesto kaj galerio de Malŝuoj (itallingva sed sufiĉe komprenebla pro siaj frapvortoj kaj bildoj). Oni prezentas novan specon de ŝuproduktoj: la plando estu en la formo de duonluno. Sciencaj esploroj kaj testoj je volontuloj konfirmas, ke ĉi-tio ebligas pli korektan korp-situon kaj pli trejnos viajn muskolojn dume vi piediras. Krom la fukciemo, konsideru la disegnon, malmultaj uloj ĝis nun ekhavis ĉi-ŝuojn. Kreŭ kaj profitu unikecon ĝis kiam tio iĝas modo!
Kiel Ŝpari Vaporon Absolute Senzorge
Marto 28, 2009 at 7:07 ptm | In Dizajno, Kiel, Manĝado | 2 CommentsTags: johnathan banton, osmos, soio
Ekhavu en via kuirejo la novan eko-forneton “Osmos”, kreaĵo de la angla disegnisto Jonathan Banton. Ĝi estas nur flakono, kiun oni metas sur la poton en kiu oni estas kuirantaj. Tiu flakono malebligos al vaporo perdiĝi en aero kaj do la vaporo de kuirado amasiĝos interne de la flakono. Imagu, vi povus uzi Osmos-on, ekzemple, por akvumi la semojn de herbo (salatfolietoj, soio ks) kaj kreskigi ilin, tielmaniere bongustigante siajn manĝaĵojn. Kaj poste manĝu vian manĝaĵon feliĉa, ĉar krom disegno kaj utilo por naturmedio, estas plibonguste uzi Osmos-on!
Rultabulo, 2.0
Marto 4, 2009 at 10:43 ptm | In Dizajno | 2 CommentsTags: 360, glitkurilo, italio, neĝkurilo, red dot design, rultabulo, surfilo
Divenu ĉu tio-ĉi estas okulvitroj por iu sportemulo. Fakte tute ne temas pri okulvitroj, sed iom rilatas al sportemuloj movemuloj. Tio-ĉi estas frukto de inspiriĝo kaj laboro de juna itala disegnisto Francesco Sommacal, al kiu Jurio de la prestiĝa internacia konkurso Red Dot Design Award aljuĝis la premion en kategorio “Ripoziloj/amuzigiloj”. Praktike ĝi estas hibridaĵo de glitkurilo (skateboard), surfilo (surf board) kaj neĝkurilo (snowboard) – transportilo je 2 radoj, fleksema kaj leĝera, ĉar farita de ŝtalo kaj aluminio. La “360” (originala nomo, cŭ ne?) ebligas konkeradon de ajna superfaco kaj estas facilega en uzo: oni simple metas la piedojn ene de radoj, prenas la taŭgan korp-pozicion kaj ekas la moviĝon. Esploru aliajn mojosajn detalojn ĉe belega paĝaro de la kreinto kaj lia kreaĵo.
Utiligi Mojosecon Por Savi La Planedon
Novembro 16, 2008 at 10:56 ptm | In Listoj | 7 CommentsTags: akvo, aĉetoj ĉerete, bio, energio
Nuntempe oni ne povas esti konsiderataj vere mojosuloj, se ne estas naturprotektemaj (aŭ almenaŭ natur-amikemaj) kaj ŝparemaj. Jen do por vi la listo de eroj, pere de kiuj vi ne nur zorgas pri viaj personaj elspezoj, sed ankaŭ kontribuas al daŭrigebla evoluo de nia socio. Rigardu, estas ĉefe fareblaj kaj facilaj aferoj!
- aĉetumu ĉerete aŭ almenaŭ ne veturu ĈIAM aŭte. sciu ke kutima familio veturas 1440km jare por aĉetumi semajnfine.
- bio-aĉetaĵoj aŭ aĉetoj ope. por aĉeti bio-produktojn laŭ la plej sparema maniero, indas aliĝi iun grupon de aĉetado.
- kovriloj/paketaĵoj? ne dankon! la plej bona ilo por ne pagi tro estas aĉetumi ĉe bazaro, kie oni kutime multe malpi enpaketigas varojn.
- oni trinkas bone kiam trinkas (preskaŭ) senpage. mineralakvo vojaĝas en kamionoj kaj plejparte estas enmetita en plastajn botelojn, kiuj ne ĉiam estas reŭzataj. do plibone trinku de la krano.
- pastaĵoj kaj legumoj. kunfaru! uzu la saman ankvon, kiun vi prenis por kuiri legumojn, por kuiri ankaŭ la pastaĵon.
- sekvu “gust-kalendaron”. uzu PRECIPE aŭ NUR produktojn de la sezono. tiam ili malplikostas kaj plibongustas
- 0-km produktoj. estu konsumataj manĝaĵoj, kiuj devenas de ingredientoj, produktitaj proksime al via loĝloko.
- kaseroloj kun kovriloj. metu ĉiam sur kaserolon iun kovrilon kie vi boligas akvon aŭ kuiras. tio multe ŝparas energion
- uzu taŭgan fridujon. se vi posedas fridujon de A-speco, ĉiumonate ĝi produktus 15kilogramojn de karbodioksidio malpli.
- kuiru sub premo. uzu la prem-kaseruolon kiam kuiras ion ajn kio devigas longan kuiradon
Rakontu en komentoj, kiujn konsilojn vi sekvas kaj kiom vi sukcesas.
-
Skipo
-
Roĝer Borĝes
-
rolffantom
-
kataluna
-
Martin B.
-
amikeme
-
Manolo
-
amuzulo
-
kosmi4eski
-
onjeto
-
Laurent D
-
\_Musubana_/ • http://musubana.blogspot.com
-
nehundo
-
Blog at WordPress.com. | Theme: Pool by Borja Fernandez.
Entries and comments feeds.
